Syi’ir Gus Dur

 

استغفر الله رب البرايا

استغفر الله من انقطايا

يارسول الله سلام عليك

يارفيع الشان والدرج

عطفة يا جيرة العلم

يا اهيل الجود والكرم

Ngawiti Ingsun nglalar syi’iran

Kelawan muji marang pengeran

Kang paring rahmat lan kenikmatan

Rino wengine tanpo kitungan  2x

Duh bolo konco, prio wanito

Ojo mung ngaji syari’at bloko

Gur pinter dongen, nulis lan moco

Tembe mburine bakal sangsoro  2x

Akeh kanga pal, Qur’an – Haditse

Seneng ngafirke marang liyane

Kafire dewe gak digatekke

Yen isih kotor ati akale  2x

Gampang kabujuk nafsu angkoro

Ing pepaese gebyare dunyo

Iri lan meri sugihe tonggo

Mulo atine peteng lan nisto  2x

Ayo sedulur jo nglalekake

Wajibe ngaji sak pranatane

Nggoh ngandelake iman tauhide

Baguse sangu mulyo matine  2x

Kang aran sholeh bagus atine

Kerono mapan sari ngilmune

Laku thoriqot lan ma’rifate

Ugo hakekat manjing rasane  2x

Al-qur’an qodim wahyu  minulyo

Tanpo tinulis iso diwoco

Iku wejangan guru Waskito

Den tancepake ing jero dodo  2x

Kumantil ati lan pikiran

Ngrasuk ing badan kabeh jeroan

Mujizat rosul dadi pedoman

Minongko dalan manjinge iman 2x

Kelawan Allah kang moho Suci

Kudu rangkulan rino lan wengi

Ditirakati diriyadhoi

Dzikir lan suluk jo nganti lali  2x

Uripe ayem rumongso aman

Dununge rasa tandha yen  iman

Sabar narimo najan pas-pasan

Kabeh tinakdir saking pengeran  2x

Kelawan konco, dulur lan tonggo

Kang podho rukun ojo ngasiyo

Iku sunnahe Rasul kang mulyo

Nabi Muhammad  panutan kito  2x

Ayo nglakoni sekabehane

Allah kang bakal ngangkat drajate

Senajan asor toto dhohire

Ananging mulyo maqom drajate  2x

Lamun palastro ing pungkasane

Ora kesasar roh lan sukmane

Dan gadang Allah suargo manggone

Utuh mayite ugo ulese  2x

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s